Fakulteti i Bujqësisë dhe Veterinarisë, Universiteti i Prishtinës ka kënaqësinë të ju njoftojë nënshkrimin e një Marrëveshjeje Mirëkuptimi (MM) me OJQ AgroDev, një hap i rëndësishëm drejt forcimit të lidhjes ndërmjet arsimit, kërkimit shkencor dhe sektorit privat.

Kjo marrëveshje synon të krijojë mundësi të reja për:

• Praktika profesionale për studentët tanë,
• Organizimin e tryezave të rrumbullakëta dhe aktiviteteve për shkëmbim përvojash
• Projekte të përbashkëta kërkimore e zhvillimore,
• Shkëmbim përvojash dhe teknologjish në bujqësi të qëndrueshme,
• Trajnime dhe ngritje profesionale për të rinjtë dhe specialistët e fushës.
• Iniciativa në fushën e Bujqësisë Digjitale dhe promovimin e teknologjive të mençura në bujqësi

Qëllimi i këtyre aktiviteteve është të:

• Nxisin bashkëpunimin ndërmjet sektorit akademik dhe atij privat
• Promovojnë zgjidhje inovative për sfidat e bujqësisë, sidomos në përballje me ndryshimet klimatike
• Mbështesin zhvillimin profesional të studentëve dhe përafrimin e tyre me kërkesat e tregut të punës
• Forcojnë partneritetet për një bujqësi më të qëndrueshme dhe konkurruese
• Ky është një hap i rëndësishëm drejt ndërlidhjes së dijes me praktikën dhe drejt krijimit të një të ardhmeje më të mirë për bujqësinë në Kosovë.

Fakulteti i  Bujqësisë dhe Veterinarisë mbetet i përkushtuar në misionin e tij për të t’iu ofruar studentëve përgatitje cilësore dhe profesionale, si dhe për të kontribuar në zhvillimin bujqësore dhe rural të vendit përmes edukimit, hulumtimit, bashkëpunimit dhe inovacionit.