Me rastin e Ditës së Tokës, në Fakultetin e Bujqësisë dhe Veterinarisë u zhvillua një aktivitet simbolik dhe edukativ, me qëllim të ndërgjegjësimit për rëndësinë e ruajtjes së mjedisit, tokës bujqësore dhe zhvillimit të qëndrueshëm.

Kjo ditë shërben si moment reflektimi mbi rolin jetik që toka dhe bujqësia kanë për të ardhmen tonë. Ushqimi bimor mbetet baza e jetës, duke qenë i shëndetshëm, i qëndrueshëm dhe thelbësor për sigurinë ushqimore globale.

Në kuadër të aktiviteteve, u promovua edhe programi studimor “Prodhimi Bimor”, i cili përgatit profesionistë të aftë për t’u përballur me sfidat bashkëkohore, si ndryshimet klimatike, ruajtja e biodiversitetit dhe prodhimi i ushqimit cilësor.

Fakulteti i Bujqësisë dhe Veterinarisë mbetet i përkushtuar në edukimin e gjeneratave të reja dhe në avancimin e praktikave moderne bujqësore, në funksion të një të ardhmeje më të gjelbër, më të shëndetshme dhe më të qëndrueshme.

Video për Ditën e Tokës në Fakultetin e Bujqësisë dhe Veterinarisë (kliko).