Konkurs plotësues për pranimin e studentëve në afatin e dytë për studimet themelore- bachelor në vitin akademik 2015/2016

    Senati i Universitetit të Prishtinës ”Hasan Prishtina”, në mbledhjen e mbajtur me 31.7.2015 mori vendim që të shpall konkurs plotësues për pranimin e studentëve në afatin e dytë për studimet themelore- bachelor në vitin akademik 2015/2016

    Universiteti i Prishtinës, në vitin e parë të studimeve në konkursin plotësues për vitin akademik 2015/2016, do të regjistrojë 2296 studentë, prej të cilëve 2126 studentë të rregullt dhe 170 studentë me korrespondencë.

    Si shtesë e numrit si më sipër, Universiteti do të regjistrojë edhe 182 studentë të rregullt nga Lugina e Preshevës dhe Mali i Zi
    Mbi bazë të konsideratave humane, Universiteti i Prishtinës rezervon të drejtën e pranimit të kandidatëve me nevoja të veçanta.
    Të drejtë pranimi në Universitetin e Prishtinës kanë të gjithë kandidatët kosovarë, të cilët e kanë përfunduar me sukses shkollën e mesme në Kosovë apo jashtë Kosovës dhe e kanë diplomën për shkollimin e kryer.

    Në Universitet mund të pranohen edhe studentët nga shtetet e tjera, në bazë të kuotave të përcaktuara nga MASHT-i.
    Kandidatë jo-kosovarë konsiderohen kandidatët të cilët shkollimin e mesëm e kanë mbaruar jashtë Kosovës dhe me rastin e paraqitjes në konkurs, duhet të verifikohet njohja e institucionit shkollor në bazë të listës së MASHT-it e cila i’u dorëzohet të gjitha njësive akademike.
    Njohja e diplomave për institucionet jashtë Kosovës do të verifikohet nga zyra për zhvillim akademik e cila gjendet në Fakultetin Filozofik, kati II nr.107.

    Kandidatët të cilët kanë të regjistruar një program studimi në cilindo nivel të studimit në kuadër të Universitetit të Prishtinës nuk kanë të drejtë konkurrimi në program tjetër studimi në UP pa përfunduar studimet në programin ku janë duke vijuar studimet ose pa u çregjistruar nga programi aktual i studimeve.

    Kandidatët për pranim si student të UP-së në vitin akademik 2015/16 nuk mund të konkurrojnë më shumë se në një fakultet, departament, drejtim apo program.

    Për të parë numrin e studentëve që do të regjistroj Universiteti i Prishtinës nëpër fakultete në konkursin plotësues shkarkoni konkursin e plotë këtu.



Arkiva e lajmeve

«shkurt»
MaEnPrShDi
2728 29303112
3 456789
10111213141516
17181920212223
2425262728291
2345678